Implantet dentare janë një procedurë shumë e njohur në fushën e stomatologjisë. Gjatë kësaj procedure, dentisti do të zëvendësojë strukturën e dhëmbit që mungon me vida metalike dhe do t'i vendosë ato në kockën e nofullës tuaj. Njerëzit zgjedhin këtë teknikë sepse ofron pamjen dhe funksionin e dhëmbëve natyral. Nëse keni humbur rrënjën e dhëmbëve dhe protezat ose vendosja e urave nuk është e mundur, kirurgjia e implantit dentar mund të jetë zgjidhja e duhur për ju. Ka disa lloje implantesh dhe procedura e duhur për ju do të varet nga kocka e nofullës suaj dhe gjendja e dhëmbëve dhe mishrave te tyre. Këto lloj procedurash do të marrin pak kohë në varësi të rastit tuaj specifik. Në këtë blog ne do të flasim për disa nga avantazhet që sjellin implantet dentare për t'jua bërë më të lehtë të kuptoni se si funksionojnë ato dhe avantazhet e tyre. 

Implantet Dentare Duken Si Dhëmbët Natyral

Kur bëhet fjalë për zëvendësimin e një dhëmbi që mungon, implantet dentare janë alternativa më e mirë. Po, ata do të ndihen dhe do të duken njësoj si dhëmbët tuaj natyral. Ndër avantazhet e shumta të këtij procesi, kjo është arsyeja kryesore pse implantet dentare janë bërë zgjedhja më e kërkuar për restaurimet dentare. Gjatë procedurës së vendosjes së implanteve dentare dentisti do të vendosë implantin brenda kockës së nofullës suaj dhe do të presë që ajo të integrohet plotësisht, për të mundësuar qëndrueshmërinë e dhëmbit natyral. Dentisti do të krijojë kurorën protetike me porcelan dhe do të përpiqet ta përshtasë atë me ngjyrën e dhëmbëve të tjerë, ose mund t'ju këshillojë të bëni disa seanca zbardhjeje paraprakisht. Gjithashtu, shkëlqimi që ofron ky material është i ngjashëm me smaltin e dhëmbëve. Kurora prej porcelani do të përgatitet saktësisht për t'iu përshtatur konturit të dhëmbit që mungon për të mundësuar një pamje sa më të përafërt me dhëmbët e tjerë përreth. 

Pas përfundimit të procedurës, do të jetë e pamundur që të tjerët të dallojnë nëse keni bërë ndonjë ndërhyrje ose jo, edhe nëse implantet janë vendosur në dhëmbët tuaj të përparmë. Dhëmbët e vendosur do të funksionojnë dhe do të kenë ndjesinë njësoj si ato natyral. Ju mund të hani njësoj si më parë pasi implanti është i fortë dhe i qëndrueshëm. Pacienti do të vërejë një ndryshim në forcë, veçanërisht nëse ata kanë provuar procedura të tjera dentare si protezat ose urat dentare. Në raste kur kurorat nuk janë të rehatshme ose nuk duken mirë, ato mund tju pengojnë gjatë të folurit dhe të ngrënit, kështu që dentisti mund të ketë nevojë të bëjë ndryshime të tjera për të rregullar këto probleme. 

Implantet Dentare Ndihen Njësoj Si Dhëmbët Natyralë

Teknika më e afërt me ndjesinë natyrale të dhëmbëve janë implantet dentare, megjithatë duke qenë se materiali është artificial, ju nuk do të ndjeni asgjë dhe çfarëdo ndjesie që do të keni do të vijë nga indet përreth implantit jo nga ai vetë. Implantet mund mos ndihen 100% si dhëmbët tuaj natyralë, pasi ata kanë nerva që i bëjnë të ndjejnë ndjesi si temperatura dhe presioni, ndërsa implantet nuk i kanë këto ndjesi. Pavarësisht këtij dallimi, kur implanti dentar të jetë shëruar plotësisht, ai do të ngjajë dhe do të funksionojë njësoj me dhëmbët tuaj origjinalë, kështu që ndoshta nuk do të vini re ndonjë ndryshim të madh dhe nëse vendosen në mënyrën e duhur do të mësoheni shumë shpejt me to. 

Si Ndihen Implantet Dentare Gjatë Ngrënies?

Meqenëse implantet dentare janë pajisje mekanike të vendosura midis dhëmbëve tuaj natyralë, mund të mendoni se ato do të shkaktojnë një ndjesi tjetër gjatë ngrënies, por nuk është e vërtetë. Me kalimin e kohës do të msoheni me to dhe do të ndihen njësoj si dhëmbët tuaj natyral. Implantet dentare mendohen të jenë jashtëzakonisht të forta, ndryshe nga protezat tradicionale që mbështeten në vijën e mishrave të dhëmbëve. Forca e tyre kafshuese është zakonisht ndërmjet 85 dhe 90 për qind e ngjashme me dhëmbët natyralë. Nëse e krahasooni me protezat, ngrënia me implantet dentare është shumë herë më e thjeshtë. Për shkak se këto struktura përzihen me kafshimin tuaj normal pasi vendosen në gojë, ato nuk do te shkaktojnë asnjë ndryshim, kështu që nuk ka asgjë për tu shqetësuar. 

Për fat të keq, metodat dentare restaruese si protezat nuk kanë të njëjtën forcë prandaj njerëzit që mbajnë proteza zakonisht konsumojnë ushqime që janë të lehta për t'u përtypur dhe shmangin çdo gjë që është krokante ose e fortë. Këto metoda mund të kufizojë opsionet tuaja të ushqimit, ndërsa implantet dentare jo. 

Ato Janë Të Qëndrueshme Dhe Shpesh Zgjasin Gjatë Gjithë Jetës

Fakti që implantet dentare synohen të jenë një zëvendësim i përhershëm për rënien e dhëmbëve është një tjetër avantazh i madh i tyre. Siç diskutuam më parë, ato do të ngjiten direkt në kockën e nofullës, ku do të zhvillohet procesi i osseointegrimit. Pas përfundimit të kësaj procedure, implanti dhe kocka përreth do të jenë bashkuar, duke i mundësuar implantit aftësinë për të funksionuar njësoj si rrënja. Me pas kjo do të shërbejë si sistem mbështetës për dhëmbin zëvendësues. Vetë implanti dentar do të zgjasë një jetë, por për shkak të konsumit normal të dhëmbëve, kurora që do të vendoset sipër tij mund të ketë nevojë të zëvendësohet. Thënë kështu, duhet të dini se kurora mund të rezistojë deri në 20 vjet me mirëmbajtjen e duhur. 

Cilët Faktorë Mund Të Ndikojnë Në Dështimin E Implantit Dentar?

Edhe pse implanti dentar mendohet që të zgjasë gjithë jetën, ka disa faktorë që mund të ndikojnë në jetëgjatësinë dhe në dështimin e tyre. Këto probleme zakonisht ndodhin gjatë procesit të shërimit ose procesit të osseointegrimit. Për më tepër, ne do të shpjegojmë disa faktorë që mund të çojnë në dështimin e implantit dentar:

Kujdesi Dhe Mirëmbajtja Jo E Duhur

Edhe pse implanti dentar përbëhet nga dhëmbë artificialë, ju duhet të kujdeseni për ta sic bëni për dhëmbët natyral. Nëse nuk e bëni këtë, pllakat do të krijohen dhe kjo mund të rezultojë në sëmundje të dhëmbëve që do të prekin mishrat dhe kockat e nofullës. Nëse kjo ndodh në zonën përreth implantit dentistët do ta quajnë atë sëmundjen peri-implantuese. Nëse sëmundja është në fazat e hershme dhe ende nuk është zhvilluar, ajo mund të jetë e trajtueshme me metoda të ndryshme, megjithatë, nëse nuk trajtohet, implanti mund të dështojë. Pra, vazhdoni të praktikoni higjienë të mirë orale edhe kur keni një implant dentar të vendosur. Lani dhe pastroni dhëmbët dy herë në ditë, çdo ditë rregullisht. Nëse hani ushqime që përmbajnë shumë sheqer përpiquni ti kufizoni sa më shumë që të mundeni. Gjithashtu duhet të vazhdoni të vizitoni dentistin tuaj një herë në gjashtë muaj për të kontrolluar për ndonjë dëmtim të mundshëm. 

Pamjaftueshmëria E Kockës

Disa pacientë vuajnë nga humbja e kockave për disa arsye si; sëmundje peri-implantare, osteoporoza ose shqetësime të tjera mjekësore që mund të ndikojnë në shëndetin e tyre. Para se të vendoset implanti, dentisti do të bëjë një ekzaminim të plotë të nofullës suaj për të kontrolluar cilësinë dhe aftësinë e kockës për të mbajtur implantin. Ky ekzaminim mund të përfshijë rrezet X dhe modelimin 3D. 

Në rastet kur dentisti përcakton se nuk ka mjaft kockë në zonën e nofullës dhe është i nevojshëm instalimi i implantit endosteal, ai mund të duhet të kryejë trajtime si transplantimi i kockave ose ngritja e sinuseve. Ky lloj implanti duhet të qëndrojë i fiksuar mirë në nofullën tuaj dhe për shkak të kësaj, nëse nuk ka kockë të mjaftueshme në nofull për të ankoruar në mënyrë adekuate implantin, ai mund të dështojë.

Problemet Mjekësore

Përpara se t'i nënshtroheni këtij trajtimi, duhet të siguroheni që të gjitha të dhënat tuaja mjekësore të jenë të përditësuara. Një sërë sëmundjesh, duke përfshirë diabetin, osteoporozën, sistem imunitar të dobësuar, çrregullime të gjakderdhjes dhe çrregullime kardiovaskulare si presioni i lartë i gjakut, ateroskleroza dhe dështimi kongjestiv i zemrës, mund të çojnë në dështimin e implantit dentar. 

Një Kirurg Pa Përvojë

Çdo procedurë dentare, veçanërisht implantet dentare, duhet të bëhen nga një kirururg dentar me përvojë. Nëse ndërhyrja bëhet nga një dentist jo i kualifikuar kjo mund të rezultojë në mosfunksionimin e implantit pasi ai mund ta vendos atë në mënyrë të gabuar ose dizajni i tij mund të jetë i papërshtatshëm. Nëse dentisti vendos kurorën përpara se implanti të jetë i qëndrueshëm ose nëse indi dëmtohet në ndonjë mënyrë gjatë procesit, mund të shfaqen probleme të mëtejshme. 

Implantet Dentare Kanë Kosto Efektive

Implantet dentare mund të duken të shtrenjta por kur mendoni se do të zgjasin gjithë jetën atëher kosto e tyre është mëse e justifikueshme. Disa pretendojnë se për shkak se protezat dhe urat janë më pak të kushtueshme, janë një alternativë më e mirë, por në fakt nuk është e vërtetë. Nga ana tjetër, implantet ofrojnë benefite afatgjata në aspektin social dhe shëndetësor. Ato nuk kërkojnë pastrim ose mirëmbajtje të shpeshtë ndryshe nga protezat. Së dyti, implantet i japin nofullës suaj një bazë të fortë dhe parandalojnë problemet e nofullës. Të gjitha këto përfitime që ato ofrojnë e justifikojnë koston e tyre. 

Cilësia E Jetës Tuaj Do Të Përmirësohet

Cilësia e jetës suaj nuk do të ndikohet aspak nga implantet tuaja dentare. Ato nuk do të ndikojnë në aktivitetet tuaja normale si ngrënia, të folurit ose buzëqeshja sepse nuk do të zhvendosen ose rrëshqasin siç bëjnë opsionet e lëvizshme. Megjithatë, duhet të keni parasysh se duhet të minimizoni sheqerin në dietën tuaj dhe të mbani një mënyrë jetese të shëndetshme për të mbajtur dhëmbët dhe implantet e shëndetshme. 

Implantet Dentare Mund Të Parandalojnë Humbjen Kockore

Nëse keni mungesë dhëmbësh, nofulla juaj mund të humbasë masën kockore. Stimulimi i kockës së nofullës është shumë i rëndësishëm sepse ruan strukturën dhe e lidh atë me masën e dhëmbëve. Implantet dentare ndihmojnë në rivendosjen e stimulimit të kockës së nofullës pa shkaktuar asnjë humbje kockore. Përveç kësaj, ato gjithashtu mbrojnë shëndetin e mishrave të dhëmbëve duke ulur rrezikun e frakturave të gojës dhe çështjeve të tjera që mund të rrezikojnë shëndetin e të gjithë gojës. Nëse keni mungesë dhëmbësh, implantet dentare janë opsioni i vetëm që ofron kujdes kaq të plotë, kështu që duhet ti konsideroni.

Implantet Dentare Nuk Cenojnë Shëndetin E Dhëmbëve Të Tjerë

Implantet dentare janë shumë më të qëndrueshme dhe më jetëgjatë se dhëmbët tuaj të vërtetë pasi nuk mund të preken nga kavitetet. Implanti dentar bashkon dhëmbët artificial në nofull me anë të një rrënje prej titani, duke vendosur një dhëmb zëvendësues që është anatomikisht, kozmetikisht dhe funksionalisht njësoj si dhëmbi origjinal. 

Ndryshe nga urat ose protezat fikse, implantet dentare nuk dëmtojnë dhëmbët e shëndetshëm afër dhe nuk e gërryejn kockën e nofullës. Ato mund të zgjasin gjithë jetën nëse kujdeseni siç duhet. Nëse shëndeti juaj oral, nofulla dhe mishrat e dhëmbëve janë në gjendje të mirë, por keni pësuar rënie të dhëmbëve, atëher ju jeni kandidat i duhur për implantet dentare.

Implantet Dentare Mund Të Zëvendësojnë Shumë Dhëmb Në Të Njëjtën Kohë

Implantet dentare bëjnë më shumë sesa thjesht rivendosjen e strukturës së dukshme të një dhëmbi, ato janë gjithashtu një mënyrë e shkëlqyer për të zëvendësuar dhëmbët e humbur. Implantet gjithashtu ofrojnë një forcë të shkëlqyer kafshimi dhe mbështesin kockën e nofullës duke zëvendësuar rrënjët e tyre. Ju ende mund të pyesni veten nëse vendosja e implanteve dentare mund të zëvendësojë çdo dhëmb të humbur, pasi dhëmbët natyralë kanë rrënjë individuale dhe përgjigja është jo. Më poshtë do të diskutojmë numrin e dhëmbëve implantet dentare mund të zëvendësojnë.

Një Implant Dentar

Dentisti juaj do të vendosë një implant në kockën e nofullës nëse ju mungon vetëm një dhëmb. Kurora do të vendoset në dhëmbin që mungon për të zëvendësuar strukturën e tij pasi implanti të jetë shkrirë me indin përreth. Dy dhëmb afër me njëri tjetrin gjithashtu mund të zëvendësohen nga një implant i vetëm dentar. Dentisti juaj do të vendosë një kurorë me dy njësi sipër implantit për të zëvendësuar dhëmbët që jane ngjitur me njëri tjetrin, pasi të jetë integruar sic duhet me trupin.

Two Dental Implants

Vetëm dy implante dentare do të jenë të nevojshme për të zëvendësuar çdo dhëmb me radhë nëse ju mungojnë tre ose më shumë prej tyre. Implanti mund të vendoset në të dy skajet e hapsirës nga dentisti juaj. Ato do të mbështesin kurorat dhe mund të zëvendësojnë një deri në tre dhëmb. Prandaj, maksimumi gjashtë dhëmbë mund të zëvendësohen nga dy implante dentare.

Katër Ose Më Shumë Implante Dentare

Nëse keni humbur të gjithë dhëmbët, mund ti zëvendësoni ato me vetëm katër implante dentare. Kjo është bërë e realizueshme nga një proces unik i quajtur All-on-4. Implantet vendosen në nofull në vende të sakta nga dentisti juaj. Në zonat ku kocka është natyralisht e trashë dhe e fortë, dy prej implanteve janë të pozicionuara drejt pjesës së përparme të gojës dhe dy në një kënd nga ana e pasme. Ky vendosje ofron mbështetje të shkëlqyer për restaurimin që do të vendoset mbi implante, ndërkohë që mundëson që operacioni i vendosjes të jetë sa më minimal të jetë e mundur.

Implantet Dentare Mund Të Rrisin Vetëbesimin

Ruajtja e dhëmbëve tuaj natyralë për aq kohë sa të mundeni është ideale, por ndonjëherë humbja e tyre është e pashmangshme. Mungesa e dhëmbëve mund të ketë një ndikim të madh në buzëqeshjen dhe formën tuaj të fytyrës në tërësi. Në këto raste, implantet dentare mund t'ju rikthejnë besimin dhe aftësinë kur bëhet fjalë për të ngrënien, për të folurën dhe për të rikthyer buzëqeshjen pas këtij problemi. Anatazhet shëndetësore afatgjata të implanteve dentare janë gjithashtu të shumta. Me mirëmbajtjen e duhur, ato do të zgjasin për vite me rrallë. 

Procesi Ka Një Shkallë Të Lartë Suksesi

Mbi 95% e procedurave të implanteve dentare kanë demonstruar një shkallë shumë të mirë suksesi. Megjithatë, duhet të dini se kujdesi nga ana e pacientit dhe menaxhimi i tyre do të luajë një rol në suksesin e tyre. Për t'u dhënë pacientëve tanë rezultatet më të mira që do t'u përshtaten nevojave të tyre, dentistët tanë të specializuar në klinikën Medical Tourism në Shqipëri, përdorin pajisje dhe teknikat më të fundit të kohës. Për të mësuar më shumë rreth llojeve të implanteve që ofron klinika jonë dhe se si mund t'ju ndihmojmë ne të arrini një buzëqeshje mahnitëse dhe të shëndetshme, rezervoni një konsultë falas në klinikën tonë me një nga dentistët tanë.